Jump to content

Universidad ning Pilipinas

Ibat king Wikipedia
(Miyalis direksiun manibat king University of the Philippines)



''Unibersidad ng Pilipinas''

Seal
Motto Honor and Excellence (Dangalan ampong Kabyasnan)
Mitátag 18 Junio 1908
Uri National, Unibersidad ning pamanyalugsug (Research university)
Endowment ₱18.691 billion (US$ 386 million) (2020)[3]
Pamuntuk Danilo L. Concepcion [2]
Talaturu 3,878 (2019)[5]
Magaral 56,015 (2019)[5]
Magaral king kolehiyo 41,991 (pangkabilugan o system-wide)
Lugal Diliman, Quezon Lakanbalen, Filipinas
Campus 7 Universidad kareng 11 Campus ampong
1 a Virtual Campus (Open University)
Imno U.P. Naming Mahal (U.P. Beloved)
Kule U.P. Maroon and U.P. Forest Green
Palayo Fighting Maroons
Mascot U.P. Oblation
Kaugne Association of Pacific Rim Universities
ASEAN-European University Network
ASEAN University Network
University Athletic Association of the Philippines
Website/Karinan-Aptas up.edu.ph
Ing Oblation
Ing UP Diliman, ing pekasentrung campus ning U.P. System
Ing UP Baguio
Ing Pansamantalang campus ning UP Extension Program king Pampanga
Ing UP Los Baños
Ing UP Manila
Ining artikulu tungkul ya king University of the Philippines System. Kareng aliwang kabaldugan, lon ya ing University of the Philippines (disambiguation).

Ing Unibersidad ning Pilipinas (University of the Philippines king Ingles at Unibersidad ng Pilipinas king Filipino, a keraklan dang papakuyad king U.P.) ing magdili-diling pambangsang unibersidad king Filipinas .[1] Mitátag ya kanitang 1908 kapamilatan ning leyi ning Philippine Legislature. Miyayampang yang pamagaral king katlung lebel (tertiary level) king halus balang larangan, manibat king agrikultura, medisina, ampong kabulasang pangmalda (public health) ampong leyi (law) angga king natural ampong pang-sosiedad a siensia, engineering, makudtang pamanyulat (creative writing) ampong alit.

Matas ing pamikilala king unibersidad antimong pipagaralan kareng lebel a kolehiyu, graduadu ampong post-graduate. Uling ibat king kapamahalan ing metung a dake ning kayang pondu, pekamababa ing kayang bayad kareng unibersidad a kapante nang uri king mabilug a bangsa. [2] Uli na niti, masikan ing kumpitisiun o pamiligligan kareng lulub keti. Anyang 2006, miras lang pitung pulung libu (70,000) deng minta kareng campus ning UP ampong test center king mabilug a Filipinas bang kuma king UP College Admission Test (UPCAT) para kareng lulub kolehiyu, ing pekamaragul angga kanita.[3]

Makikilala ya ing unibersidad kareng magaral a matenakan at aktibu kareng bageng tatagkil kareng pisasabian a tatagkil king bangsa ampo king pulitika. Ibat la king U.P. deng pikabaluan diling pekapun king pulitika ampong sosiedad, ekonomista, abugadu, doktor ning medisina, talatuki ring makudtang alit (creative artists), ampong negosianti. Megaral la keti deng pilan kareng Pamuntuk ning Filipinas, king kolehiyu man o postgraduate. Samantala, makaugne la king unibersidad deng atlung pulu (30) da reng limang pulung (50) National Artist, ampo reng aduang pulu't walu (28) kareng aduang pulu't siyam (29) a National Scientist.[4][1] Ing U.P. ing maki maragul diling bilang da reng Sentrung Pambangsa ning Kabiasnan ampong Pamanalkus (National Centers of Excellence and Development) kareng institusion ning matas a pamagaral king bangsa[5] at metung ya kareng atlu mung pipagaralan king Asia a tinanggap galal antimong institusion lalam ding Ramon Magsaysay Awards. [6]

Ing Oblation ing manimuna nang sagisag ning U.P. Iti istatua ne ning metung a taung lubas, makauniat/makayatiat la reng kayang takdeng antimong ating abutan, at makalawe ya king babo. Makabasi ya king kadua nang telatag ning Mi Ultimo Adios nang Jose Rizal, a dakal a babanggitan tungkul king e makasariling pamiyampang king bangsa.[7][8]

Ausan da lang "Iskolar ng Bayan" ("Iskolar ning Balen") deng magaral ampong miyari king U.P.[9][10]Cite error: Closing </ref> missing for <ref> tag [11]

Amlat

Mitátag ya ing Unibersidad ning Filipinas kanitang 1908 antimong American University of the Philippines kapamilatan ning First Philippine Legislature Act No. 1870, a mayayaus muring University Charter. Kapagnasan na niting miyampang matas a uring pamituru king malagung panyulat (literature), pilosopiya, siensia, at alit (arts), at munie pamagsaneng propesional ampong teknikal. Migumpisa ya ing Unibersidad kareng College of Fine Arts, College of Liberal Arts, ampong College of Medicine and Surgery kareng gusaling atyu king Padre Faura (distritu ning Ermita) ampong R. Hidalgo (distritu ning Quiapo) king Menila, ampo ing School of Agriculture king Los Baños, Laguna. Mengailangan nong dagdagan ning U.P. deng kayang kursu at dagdagan la reng kayang pasilidad. Mebisa ya ing Board of Regents king munikalang manintun mas maragul a lugal, at menikua yang loting maki leparan a 493 ektarea king Diliman, a sakup ning Rizal kanitang panaun a ita. Migumpisa ing obra king pamangawa king bayung campus kanitang 1939.

Anyang w:World War II sera no ning U.P. deng keraklan kareng kayang kolehiu liban king College of Medicine, Pharmacy, ampong Engineering. Samantala ginamit do reng Hapon deng aduang gusali king Diliman: ing College of Liberal Arts Building (ing Benitez Hall ngeni) ampo ing Colleges of Law and Business Administration Building (ing Malcolm Hall ngeni). Kaibat ning gera, mengasira la reng gusali king Diliman. Minyad yang pondung labing atlung miliung pesos (Php13 million) ibat king US-Philippines War Damage Commission ing Pamuntuk ning U.P., i Bienvenido Gonzales. Mika maragul a proyektu ning pamaniamasan ampong pamitikdo king unibersidad. King mumunang pamikatagun, mika maleparan a pangkabilugang planu (master plan) ampong mapa para king Diliman campus. Makabili la king mapa deng buri rang lunto king pamiparagul ning Diliman. Miragdagan la reng gusali mitikdo king campus ning Diliman: deng University Library o Aklatan ning Unibersidad (Gonzalez Hall), ing College of Engineering (Melchor Hall), Women's Residence Hall o Tuknangan da reng Kebabainan (a ngeni Kamia Residence Hall), ing Conservatory of Music (Abelardo Hall), ing Administration Building o Gusaling Kapanibalan (Quezon Hall), ampo ing U.P. President's Residence o Tuknangan ning Pamuntuk ning U.P. Pansamantala lang pakasaut kareng kubu ampong salilungan a gawa king sawali ampong sim (galvanized iron) deng kolehiu ampong opisinang administratibu.

Aniang kapat a pulung (40) anibersariu ning U.P. kanitang Febrero ning 1949, miyalis la reng miyalis la reng upisina ning sentral a kapanibalan (central administration) ning U.P. manibat Menila papunta king Diliman, kayabe ne ing pamanalis ning Oblation. Mibili la ngan king campus king Diliman deng upisina dang administratibu ning U.P. ampo reng unit na kareng rehiyon king Menila, Los Baños, Baguio Lakanbalen, ampong Cebu. Merapat murin king Diliman ing seremonias ning pangayari (commencement exercises) king mumunang pamikatagun kanitang 1949.

Kanitang dekadang 1950, elilan na ning U.P. ing kayang paralan king pamagaral a katlung lebel o kolehiyu kapamilatan ning pamitátag kareng bayung departamentu o unit ampong payung programa. Mika bayung kapanumanan o reporma kanitang 1959, ing programa ning Pangkabilugan a Pamagaral (General Education Program). Ing G.E. program megi yang serie o pamituki-tuki da reng core courses (kursung pang-pundasiun) para kareng eganaganang magaral king lebel a kolehiyu o undergraduate. Miyayampang la reng keraklan kareng kursung deti king lumang a College of Liberal Arts. Uli na niti, pepalyari nang Pamuntuk Vicente Sinco ing pamibayu ning kolehiyu king metung a University College a miyampang kareng core subject king mumunang aduang banua ning kolehiyu. Samantala, miyampang ne mang major course humanidades, natural a siensia ampong siensiang pang-sosiedad king College of Arts and Sciences ampo king Graduate School of Arts and Sciences. Mitátag la kanitang terminu nang Pamuntuk Sinco deng karagdagang kolehiyu ampong instituto. Kayabe la kareti deng Institute of Public Administration (1952), Statistical Center (1953), Labor Education Center (ing salukuyan a School of Labor and Industrial Relations, a mitátag kanitang 1954), Asian Studies Institute (ing salukuyan a Asian Center, a mitátag kanitang 1955), Institute of Library Science (1961), ampo ing College of Home Economics (1961).

King lalam ning pamanibala nang Carlos P. Romulo, mitátag la reng Population Institute, Law Center ampo ing Applied Geodesy and Photogrammetry Training Center kanitang 1964, Institute of Mass Communications, College of Business Administration, ampo ing Institute of Planning kanitang 1965, Computer Center, Institute for Small-Scale Industries kanitang 1966, Institute of Social Work ampo ing Community Development kanitang 1967 ampo ing Asian Center kanitang 1968.

Aniang panaun ning leyi militar (martial law), sibukan ning kapanibalan ning U.P. ing pamanatili kareng bageng dirinan nang ulaga (priorities) king pamagaral, ampo ing kayang pamagsarili antimong metung a institusion. Aniang panaun a masikan ing aktibismu king unibersidad, tikian ning Pamuntuk ning U.P., i Salvado P. Lopez, ing metung a sistema ning demokratikung pamaniad usuk (democratic consultation), nung nu maki papil la king pamagpasiya kareng pamanuldu (apppointment) ampong pamagtas ranggu (promotion) deng talaturu ampong empleadung administratibu. Kanitang Noviembre 1972, minuna yang mibulalag a dakeng magsarili o autonomous unit lalam ning chancellor ing campus ning Los Baños. Mirinan yang Php150 million a grant ibat king pondung pambangsa ing Infrastructure Development Program ning U.P. Menibat ya king pondung iti ing ginamit da king pamanikdo kareng bayung gusali kareng College of Business Administration ampong Zoology, Institute of Small-Scale Industries, Transport Training Center, ampo ing Coral Laboratory ning Marine Sciences Institute. Mitikdo la murin deng Kalayaan Residence Hall ampo reng tuknangan da reng empleadung mababa sueldu.

Aniang panaun nang Onofre D. Corpuz, mibulalag yang autonomous unit ing U.P. Manila, a ausan dang Health Sciences Center kanita, ampo ing U.P. Visayas. Mitátag ya murin ketang panaun a ita ing Asian Institute of Tourism (AIT) uli ning pamamie ulaga king turismo antimong industria ning bangsa. Mitátag la murin deng bayung sentru ning pamanyaliksik ampong unit a magkalub titulu antimo ing Third World Studies Center (1977), Creative Writing Center, National Engineering Center (1978), U.P. Extension Program king San Fernando, Pampanga (1979), a atyu na ngeni king Clark Field, Angeles Lakanbalen, Institute of Islamic Studies (1973), ampong U.P. Film Center, National Center for Transportation Studies (1976). Pigmasusian ne ning U.P. ing kayang kapitumpulu’t limang (75) banua kanitang 1983.

Lalam ning Diamond Jubilee project nang Edgardo Angara, mekatipun yang walumpulung miliung pesus (P80 million) ing unibersidad, at megamit iti king pamaglalang kareng bayung professorial chair ampong pamagkalub kareng talaturu (faculty grants). Tetag no murin deng Management Review Committee (MRC) ampong Committee to Review Academic Programs (CRAP) bang sumuri ampong magmunikala dikil king pamipalakad ning unibersidad. Uli ning ulat ning MRC, mika maleparan a pamagbayu o pamag-reorganisa ning U.P. System, ing karagdagang decentralizatin o pamirake king pamanibala ning U.P., ampo ing pamibulalag ning U.P. Diliman antimong autonomous campus kanitang Marzo 23, 1983. Mibili ya ing U.P. Baguio lalam ning pamanibala ning U.P. Diliman. Samantala, mika reorganisasiun ning College of Arts and Sciences, a mepitna karing atlung bayung kolehiyu: ing College of Science, College of Arts and Letters, ampo ing College of Social Sciences and Philosophy.

Antimong manimunang unibersidad (flagship university), manimuna ya ing U.P. Diliman king degulan. Kanitang Abril 26, 1982, pormal yang mekilala antimong metung a unibersidad a kayanib (constituent university), alus metung a dekada kaibat ning pamagbayu king pamamalakad (reorganization). Lipat ning pangasentru na ning pamanibala/administrasiun ning U.P. king Diliman, e ya tambing mitatag kaibat ning 1972, dapot panibalan de iti, kayabe da reng unit king Menila bayu ing pamiyagum da reti king Health Sciences Center, antimong unibersidad a de facto.

Inumpisan neng Pamuntuk Jose Abueva ing Socialized Tuition Fee Assistance Program (STFAP) kanitang 1987. Gewa ne muring pormal Abueva ing patakaran ning pamangamit king Filipino king unibersidad. I Pamuntuk Emil Javier naman, tetag ne ing U.P. Mindanao king Silicon Gulf, Mauling Mindanao, ampo ing U.P. Open University kanitang 1995. Kayabe no man kareng pamana nang Pamuntuk Francisco Nemenzo ing Revitalized General Education Program (RGEP) ampo ing pamiyabe king patakaran ning unibersidad ing pamangilala kareng ambag da king pamanyaliksik (research) ampong pamangudta (creative achievements) deng talaturu ning U.P. I Pamuntuk Emerlinda Roman naman, manimuna ya king Centennial Campaign Fund a balak dang manyulung kareng serbisiu na ampong pasilidad ning unibersidad kaugne ning kadinala’nang banua ning U.P. ngening 2008.

Deng Kayagum a Unibersidad

King salukuyan, bibilugan deng pitung Kayagum a Unibersidad o Constituent Universities (a keraklan dang papakuyad antimong C.U.) ing University of the Philippines System, a mayayakit kareng maigit apulung campus king mabilug a Filipinas.

Ing U.P. Diliman ing manimunang campus (flagship campus) ning unibersidad, at dakal yang dili yampang a kursu. Makipanayus ya murin ing Unibersidad king kapamahalan ning Makati Lakanbalen para king pamangamit ning University of Makati.[12]

Panibalan ne ning chancellor ing balang kayagum a unibersidad ning U.P. Yalal ne ning Board of Regents king terminung atlung banua. E anti king pamuntuk a maki terminung anam a banuang alang pamanulit, malyari yang miyayal king metung pang terminung atlung banua ing chancellor, agpang king pamagpasiya da reng kayanib ning Board of Regents.

Campus Chancellor Campus Land Area

(Hectares)

Mitátag
 Ala yang babanggitan a pikwanan ing dakeng ini.
Paki samasan me ining dake kapamilatan ning pamamanggit kareng pagtiwalan a pikwanan. Deng makasulat a e malyaring patunayan malyari lang pagdudan ampong ilako.
Focus Areas
 Ala yang babanggitan a pikwanan ing dakeng ini.
Paki samasan me ining dake kapamilatan ning pamamanggit kareng pagtiwalan a pikwanan. Deng makasulat a e malyaring patunayan malyari lang pagdudan ampong ilako.
National Centers of Excellence and Development[5] Note
University of the Philippines, Baguio Dr. Priscilla Supnet-Macansantos 6 1961 Cordillera Studies, Ethnicity and Cultural studies, Natural Sciences, Mathematics, Social and Development Studies, Management, Language and Literature, Communication Arts, Fine Arts Biology, Mathematics, Physics Pekakatawan ning U.P. System king Pangulung Luzon
University of the Philippines, Diliman
 Ala yang babanggitan a pikwanan ing dakeng ini.
Paki samasan me ining dake kapamilatan ning pamamanggit kareng pagtiwalan a pikwanan. Deng makasulat a e malyaring patunayan malyari lang pagdudan ampong ilako.
Dr. Sergio S. Cao 493 1949 Law, Engineering, Architecture, Education, Accountancy, Business, Management, Natural Sciences, Marine Science, Mathematics, Information Technology, Creative Writing, Theater, Language and Literature, Music and Performing Arts, Fine Arts, Social Sciences and Philosophy, Public Administration, Journalism, Film and Communication Arts, Sports Science, Tourism, Home Economics (offers most academic programs) Anthropology, Architecture, Biology, Business, Chemical Engineering, Chemistry, Civil Engineering, Communication Arts, Computer Engineering, Economics, Electrical Engineering, Electronics and Communications Engineering, English, Filipino, Foreign Languages, Geology, History, Industrial Engineering, Geodetic Engineering, Information Technology, Journalism, Literature, Marine Science, Mathematics, Mechanical Engineering, Metallurgical Engineering, Mining Engineering, Music, Physics, Political Science, Psychology, Sociology, Statistics Pekakatawan ning U.P. king University Athletics Association of the Philippines
University of the Philippines, Los Baños Dr. Luis Rey I. Velasco 3,600 1909 Agriculture and allied studies, Biology and allied studies, Natural Sciences, Mathematics, Information Technology, Development Communication, Forestry, Veterinary Medicine, Education, Engineering, Management Agricultural Engineering, Agriculture, Biology, Chemistry, Communication Arts, Forestry, Information Technology, Mathematics, Physics, Veterinary Medicine, Statistics Pekakatawan ning U.P. king Philippine Association of State Universities and Colleges-IV Olympics
University of the Philippines, Manila Dr. Ramon L. Arcadio 14 1905 Medicine, Dentistry, Nursing, Public Health, Allied Medical Professions, Biomedical Sciences, Natural Sciences Biology, Medicine, Nursing Palakad ne ing Philippine General Hospital
University of the Philippines, Visayas Dr. Glenn D. Aguilar (Multiple campuses) 1918 (Cebu)
1973 (Tacloban)
1979 (Miagao)
1981 (Iloilo)
 Aquaculture, Fisheries, Marine Science, Social Sciences, Language and Literature, Communication Arts, Natural Sciences, Information Technology, Management, Accountancy, Education Biology, Fisheries, Marine Science, Information Technology U.P. System's flagship unit in the Visayas
University of the Philippines, Mindanao Dr. Gilda C. Rivero 204 1995 Information Technology, Natural Sciences, Social Sciences, Humanities, Management Information Technology Ing panrehiyon nang unit king Mindanao ning U.P. System
University of the Philippines, Open University Dr. Grace J. Alfonso (atyu king Los Baños, Laguna ing sentru ning Open University) 1995 Distance learning Distance Education Miyutus a magkalub matas a uri ning pamagaral kapamilatan ning distance learning
  		1. This 1 does not cite any references or sources.
    Please help improve this article by adding citations to reliable sources. Unverifiable material may be challenged and removed.
    Mitátag ya antimong unit ning Unibersidad (E antimong autonomous unit).
    		1. This 2 does not cite any references or sources.
      Please help improve this article by adding citations to reliable sources. Unverifiable material may be challenged and removed.
      Lon la reng bulung ning partikular a Constituent University para king karagdagang impormasiun. E ne opisial a babanggitan ning Unibersidad.
      		1. This 3 does not cite any references or sources.
        Please help improve this article by adding citations to reliable sources. Unverifiable material may be challenged and removed.
        Kayabe ya murin ing Extension Program in Pampanga.

Pamagmulang Pamagaral (Basic Education)

Pangabalangkas (Organization)

Deng Pamuntuk ning
Unibersidad ning Filipinas
Murray S. Bartlett, 1911-1915
Ignacio B. Villamor, 1915-1921
Guy Potter Wharton Benton, 1921-1925
Rafael V. Palma, 1925-1933
Jorge Bocobo, 1934-1939
Bienvenido M. Gonzalez, 1939-1943, 1945-1951
Antonio Sison, 1943-1945
Vidal A. Tan, 1951-1956
Enrique Virata, 1956-1958
Vicente G. Sinco, 1958-1962
Carlos P. Romulo, 1962-1968
Salvador P. Lopez, 1969-1975
Onofre D. Corpuz, 1975-1979
Emmanuel V. Soriano, 1979-1981
Edgardo J. Angara, 1981-1987
Jose V. Abueva, 1987-1993
Emil Q. Javier, 1993-1999
Francisco Nemenzo, Jr., 1999-2005
Emerlinda R. Román, 2005-Salukuyan

Deng Pamuntuk ning Unibersidad ning Filipinas

Miyayalal ya ing Pamuntuk ning Unibersidad ning Filipinas king metung a terminung anam a banua kapamilata’ning Board of Regents a maki labing aduang kayanib. Aniang 2005, adua nong Americanu ampong labing pitung Filipinu deng sinuyu (migsilbi) antimong Pamuntuk ning Unibersidad ning Filipinas.

Ing salukuyan a pamuntuk ning U.P. yapin i Dr. Emerlinda R. Román, metung a propesor ning business administration a migsilbing chancellor ning U.P. Diliman bayu ya miyalal antimong pamuntuk. I Roman ing mumunang babaing pamuntuk ning Unibersidad ning Filipinas. Ya ing manibala king unibersidad king pamagmasusi king kadinala’nang banua (sentenial) king 2008.

Lupung da reng Rehenti (Board of Regents)

Ing Board of Regents (Lupung da reng Rehenti king Kapampangan, Lupon ng mga Rehente king Filipino at keraklan dang papakuyad a B.O.R.) ing matas diling lupung a magpasiya ning Unibersidad ning Pilipinas. Bibilugan de reng labing aduang (12) galame o kayanib. Yutus ning charter ning Unibersidad ing pamitátag king Lupung, a yang bukud a maki upaya king pamipairal ning upaya ning Unibersidad da panglupung ampong pang-kapanibalan (corporate and administrative powers).

Ing Talapamuntuk ning Commission on Higher Education ing magsilbi antimong salukuyan a Talapamuntuk (acting Chairperson), kabang Kaduang Talapamuntuk (Vice Chairperson) ing Pamuntuk ning Unibersidad ning Filipinas. Kayanib la king Lupung da reng Rehenti ning UP deng Talapamuntuk da reng Komite ning Matas a Pamagaral ning Senadu ampo ning Kamara da reng Pekakatawan kaugne ning karelang obra antimong talapamuntuk ning karelang komite.

Tutuldu lang Rehenting Magaral o Student Regent deng magaral ning UP, kapamilata’ning General Assembly of Student Councils (Pangkabilugan a Kapulungan da reng Sanggunian da reng Magaral). Atin la muring Rehenting Talaturu deng talatur ning mabilug a unibersidad. Itang pekakatawan da reng miyari (alumni) ya pin ing Pamuntuk ning U.P. Alumni Association. Deng aliwang galame ning Lupung da reng Rehenti, tutulduan no ning pamuntuk ning Filipinas.

Aniang 2007, deng makatuki ilang galame ning Lupung da reng Rehenti o Board of Regents:

Galame ning Lupung (Board Member)
Talapamuntuk (Chairperson) Kagalanggalang Carlito S. Puno Talapamuntuk ning Komision ning Matas a Pamagaral (Commission on Higher Education)
Kaduang Talapamuntuk (Vice Chairperson) Kgg. Emerlinda R. Román Pamuntuk ning Unibersidad ning Filipinas
Galame (Member) Kgg. Juan M. Flavier Talapamuntuk, Komite ning Senadu king Matas a Pamagaral (Senate Committee on Higher Education)
Galame (Member) Kgg. Cynthia Villar, Member Talapamuntuk, Komite ning Kamara king Matas a Pamagaral (House Committee on Higher Education)
Galame (Member) Kgg. Jaime S. de los Santos Pamuntuk, UP Alumni Association (Aguman da rengn Miyari king UP)
Galame (Member) Kgg. Lourdes Barcenas Rehenting Talaturu (Faculty Regent)
Galame (Member) Kgg. James Mark Terry L. Ridon Rehenting Magaral (Student Regent)
Galame (Member) Kgg. Ponciano E. Rivera, Jr. Rehenting Miyari (Alumni Regent)
Galame (Member) Kgg. Abraham F. Sarmiento Tildu ning Pamuntuk ning Filipinas
Galame (Member) Kgg. Nelia T. Gonzalez Tildu ning Pamuntuk ning Filipinas
Galame (Member) Kgg. Edmundo M. Varona Tildu ning Pamuntuk ning Filipinas
Galame (Member) Kgg. Romulo G. Davide Tildu ning Pamuntuk ning Filipinas

Ing Kalihim ing Unibersidad (Secretary of the University) ampo ning Lupung da reng Rehenti yapin i Dr. Loudes E. Abadingo, propesor ning Political Science king Department of Social Sciences, U.P. Manila.

Atin yang pamikasundu king Boston University School of Public Health king Boston, MA, USA ing School of Public Health king UP Manila. Paintulutan nong gawang course work king UP Manila kilub ning metung a semestri ampong international field practicum king Filipinas deng mapilang magaral ibat king Boston University.

Programang Akademiku

Ing Gonzalez Hall king UP Diliman

Miyayampang yang aduang dalan apat a pulu’t anam (246) a kursung king kolehiyu ing unibersidad, at atlung dalan anam a pulu’t aduang (362) kursung graduadu, ing maragul dili karen ngang unibersidad ning bangsa.[13] Ing sentrung campus king Diliman ing dakal dili programang akademiku, kabang kilala no man kareng partikular a kursu o programa o kursu.[14] Atin yang limampulu’t pitung (57) unit a magkalub titulu (degree-granting unit) king mabilug a sistema ing Unibersidad. Malyari yang maging kolehiyu (college), eskuela (school) o instituto (institute) iti a miyayampang kursung pang-kolehiyu o graduadu. King campus ning Los Baños, ating makakawaning Graduate School para kareng programang pang-graduadu king agriculture, forestry, basic sciences, mathematics ampong statistics, development economics and management, agrarian studies ampong human ecology.[15] The University has 4,135 faculty, trained locally and abroad with 75% having graduate degrees.[16][17] Atin yang apat a libu, dinalan atlung pulu’t limang (4,135) a talaturu ing Unibersidad, a mituru king Filipinas at kilual na niti, at 75% kareti, maki titulung graduadu (graduate degrees) .[16][17] Metung ya kareng aduang unibersidad king Filipinas a kayanib king ASEAN University Network, at ya kabud a unibersidad king Filipinas a makaugne king ASEAN-European University Network ampo king Association of Pacific Rim Universities.[18][19] Maki ranggu yang pang aduang dalan siyam a pulu’t siyam (299) ing Unibersidad king Times Higher Education Supplement Rankings kanitang 2006, at pang apat a pulu’t walu (48) king Asiaweek's Best Universities in Asia a taulingmilimbag kanitang 2000, at uli na niti, maliaring sabiang iti ing matas dili ranggu kareng unibersidad ning Filipinas kareng aduang talaan, dapot mababa ya ranggu karas king pamanyaliksik ampo king pibandian a pinansial (financial resources) .[17][20] Pepabalu ning Unibersidad, kapamilatan nang Pamuntuk Emerlinda Román, a e na kaburian ing makiabe king THES Ranking.[17]

Pikabaluan a tau

See List of University of the Philippines people

Note ampong Pikuanan

  1. ↑ 1.0 1.1 About UP Archived Oktubri 2, 2006 at the Wayback Machine, University of the Philippines System Website. Accessed April 27, 2007.
  2. ↑ Primer on the Proposal to Adjust Tuition and Other Fees Archived Juniu 30, 2007 at the Wayback Machine, University of the Philippines System Website. Accessed April 27, 2007.
  3. ↑ 70,000 HS seniors take UP entrance test, Philippine Daily Inquirer Online. Accessed April 27, 2007.
  4. ↑ List of National Scientists Archived Pebreru 9, 2009 at the Wayback Machine, DOST - National Academy of Science and Technology. Accessed April 27, 2007.
  5. ↑ 5.0 5.1 Statistics : CHED’s Centers of Excellence/Development, Commission on Higher Education. Accessed April 27, 2007.
  6. ↑ List of Magsaysay Awardees, Wikipedia. Accessed April 28, 2007.
  7. ↑ Michael Tan, Mi Ultimo Adios, Wikipedia. Accessed April 28, 2007.
  8. ↑ The Oblation, Pinoy Kasi. Accessed April 28, 2007.
  9. ↑ Basic Student Information Archived Eneru 22, 2009 at the Wayback Machine, University of the Philippines Los Baños Website. Accessed April 28, 2007.
  10. ↑ Iskolar ng Bayan Estudyante...Iskolar... Makabayan... Archived Juniu 19, 2009 at the Wayback Machine, Iskolarngbayan.com. Accessed April 28, 2007.
  11. ↑ U.P. Decade 1998-2008, UP System Centennial Year Website. Accessed April 28, 2007.
  12. ↑ Cite error: Invalid <ref> tag; no text was provided for refs named centennial1
  13. ↑ Academic Programs Archived Marsu 4, 2012 at the Wayback Machine, University of the Philippines System Website. Accessed May 6, 2007.
  14. ↑ UPCAT General Information, University of the Philippines College Admission Test Website. Accessed April 28, 2007.
  15. ↑ The Graduate School Archived Mayu 9, 2007 at the Wayback Machine, University of the Philippines Los Baños Website. Accessed May 6, 2007.
  16. ↑ 16.0 16.1 Cite error: Invalid <ref> tag; no text was provided for refs named UPStats1
  17. ↑ 17.0 17.1 17.2 17.3 Leticia Peñano-Ho, Who Should Tell Us Who We Are? Archived Juliu 2, 2007 at the Wayback Machine, University of the Philippines System Website. Accessed May 6, 2007.
  18. ↑ ASEA-UNINET Universities Archived Agostu 18, 2012 at the Wayback Machine, ASEA-UNINET Website. Accessed May 7, 2007.
  19. ↑ Member Universities Archived Abril 19, 2007 at the Wayback Machine, Association of Pacific Rim Universities Website. Accessed May 7, 2007.
  20. ↑ Overall Ranking Multi-Disciplinary Schools, Asiaweek.com. Accessed May 7, 2007.

Suglung Palual


Universidad ning Pilipinas

Pamagaral

Kayagum a Unibersidad
Diliman | Los Baños | Menila | Visayas | Mindanao | Baguio | Open University
Makasuglung a Campus
Extension Program in Pampanga (Diliman) | Extension Program in Olongapo (Diliman) | School of Health Sciences, Leyte (Manila) | Cebu College (Visayas) | Tacloban College (Visayas)
Sanga king Pamagmulang Pamagaral
Integrated School (Diliman) | Rural High School (Los Baños) | Laboratory High School (Visayas)

UPiana

Oblation | Official Seal | UP Naming Mahal | U.P. Press | List of University of the Philippines people | UP College Admission Test | UP Centennial

Pasiknangan

UAAP | Fighting Maroons | UP Pep Squad

Campus

Philippine General Hospital | International Rice Research Institute | The Main Library | U.P. Carillon | Parish of the Holy Sacrifice | Jorge Vargas Museum | UP Computer Center | UPLB College of Forestry and Natural Resources

Bie ring Magaral

Philippine Collegian (Kulê) | DZUP 1602 | U.P. Madrigal Singers | U.P. Concert Chorus | U.P. Singing Ambassadors | Dulaang U.P. | U.P. Repertory Company


v • d • e
Philippine National State Universities
University of the Philippines • Philippine Normal University • Polytechnic University of the Philippines • Technological University of the Philippines
v • d • e
Association of Pacific Rim Universities
AustraliaAustralian National (ANU) · Melbourne · Sydney
CanadaBritish Columbia (UBC)
ChileChile
ChinaFudan · HKUST · Peking · Tsinghua · USTC · Zhejiang
IndonesiaIndonesia
JapanKeio · Kyoto · Osaka · Tokyo · Waseda
KoreaSeoul National (SNU)
MalaysiaMalaya
MexicoUNAM
New ZealandAuckland
PhilippinesPhilippines
RussiaFar Eastern National (FENU)
SingaporeNUS
TaiwanNational Taiwan (NTU)
ThailandChulalongkorn
United States
Mekua ya king "https://pam.wikipedia.org/w/index.php?title=Universidad_ning_Pilipinas&oldid=307152"