University of the Philippines, Extension Program in Pampanga

Ibat king Wikipedia
Jump to navigation Jump to search
UP logotype.svg
Unibersidad ng Pilipinas Diliman - Sudlong na Programa sa Pampanga

Unibersidad ng Pilipinas.png
Seal

Motto Honor and Excellence (Dangalan ampong Kabyasnan)
Mitátag 1908 (UP System);
1979 (UPEPP)
Uri Extension Service
Canciller Dr. Sergio S. Cao
Pamuntuk Alfredo Pascual
Director Dr. Florencia Charito Imperial-Sebastian
Lugal Clark Freeport Zone, Angeles Lakanbalen, Pampanga, Filipinas
Imno U.P. Naming Mahal
Palayo UP Fighting Maroons
Mascot U.P. Oblation
Website/Karinan-Aptas http://upepp.upd.edu.ph/

Ing University of the Philippines, Diliman - Extension Program in Pampanga (UPDEPP) daralán ne ing uri ning pamagaral ning UP king edukasiun/pamanuru (education), pamanialiksik (research) ampong pamaniuyung malda (extension) king mamasensu at matalik diling dagul a lugal king Kalibudtang Luzon, ing Clark Freeport. Sasaup ya murin king Clark Development Corporation (CDC) king pamanalkus (development) at pamisulung ning programa na king turismu, ampo king Clark International Airport Corporation (CIAC) king pamipasikan king kagiwan na king logistics. Atin ya muring sanga (unit) king Subic Freeport, a yausan dang University of the Philippines Diliman Extension Program in Olongapo (UPDEPO). Migumpisa ing presensia ning UP king Pampanga anyang mitátag ya ing metung a extension program king Clark Air Force Base kanitang 1953. Metung ya pang sanga ing mitátag king San Fernando, Pampanga ketang 1979. Aniang mumuna, meyaus yang UP Extension Program in San Fernando, (UPEPSF), at meging pormal ing kayang pamanikdo kapamilatan ning metung a Memorandum of Agreement pilatan ning UP ampo ning lalawigan ning Pampanga lalam nang Gobernador Estelito Mendoza. Makikilala ya murin ing UPDEPP king lagyung UP Clark o UP Pampanga. Metung ya kareng extension campus ning Universidad ning Pilipinas Diliman.

Amlat

Ing pansamantala nang campus ning UP Diliman - EPP king Clark Freeport

Migmula ing maragul a pakinabang ning UP king Pampanga aniang miyumpisan ya ing metung a sanga (unit) ketang kanita Clark Air Force Base king Angeles. King umpisa pamu, mekilala na la antimong “Thomasites in reverse” deng talaturu ning UP Clark uling pepakilala ra ing kulturang Filipinu ampong Asianu king mabilug a dai (henerasiun) da reng Americanung expatriate.

Bang mikalat ing pamaniuyu o serbisiu ning UP king labuad (rehiyon), pormal yang mitátag ing metung a extension program king San Fernando kanitang Junio 1979 lalam ning metung a Memorandum of Agreement (MOA) king lalawigan ning Pampanga lalam nang Gobernador Estelito Mendoza. E migluat, migsara ya ing sanga king Clark. Lalam ning makanian muring kapagnasan, mika kawangis a extension program king Olongapo kanitang 1984, kapamilatan ning MOA king lakanbalen (siudad) lalam nang Alkaldi Richard Gordon. Iti mayayaus yang University of the Philippines Diliman- Extension Program in Olongapo.

Mekilala ya ing bayung sanga king Pampanga antimong UP Extension Program in San Fernando. Aniang umpisa, atin yang dinalan labimpitung (117) magaral a kolehiyu (undergraduate), ampong apat a pulung (40) graduadu. Manibat 1980 anggang 1995, mararapat ing klasi king metung a simpling gusaling maki anam a silid ampong aduang pisu (two-storey) a sadiang gagamitan ning Pampanga High School king San Fernando. Aniang panaun a iti, dakal kareng magaral ibat king Pampanga ing linub keti, imbes na king UP Diliman.

Biglang tinuknang ing palakad ning campus king San Fernando kaibat ning pamamakbung ning Bunduk ning Pinatubu kanitang Junio 15, 1991, a tikian ning pamanagus ning lahar. Aniang mesira ya itang kayang gusali, miyalis ing obra ning tanggapan ning pamanibala (administrative office) king makibubungan a basketball court ning Pampanga High School.

Menatili ya ing UPEPP lipat ning kasiran ning Pinatubu, at antimo king fenice (phoenix), mibangun yang pasibayu king Clark kanitang 1996, nung nu ya minalis manibat king metung a pansamantalang karinan papunta king aliwa.

Aniang 1999, minalis ya king metung a bodegang semasan king Claro M. Recto highway, ing megi nang lugal manibat kanita.

Ketang kayang karinan a bayu dapot pansamantala pa murin, ikua nang menikuang masaleseng grupu da reng talaturu, at samasan la reng kayang yampang a kursu, lalu na ing kayang programang pang-graduadu (graduate program).

Manatili yang matapat ing UP Pampanga king kayang karinan king Indung Kapampangan: alang patugut ing kayang pamanyaliksik king amlat na ampong kultura ning Kapampangan, at mibulalag yang aklat tungkul king kawatasan o poesiang Kapampangan a malugud a mipalagyuang “Tuglung.”

Migsadia ya pang programa king pangkabilugang pamagaral (general education o GE) dikil king kulturang Kapampangan a inaus nang “Araling Kapampangan” (Pamagaral a Kapampangan), metung a e apagkamalian a kaurian a panglabuad (local slant) king kayang curriculum.

E la murin mekalinguan deng tubung manuknangan king Pampanga. Inumpisan ne ning UPDEPP ing metung a bayung tátag a Aeta Studies Center, kayantabe ya ing Clark Development Corporation (CDC). Iti metung yang obra king pamaniuyung malda (extension effort) a maki kapagnasan a sumaup kareng pakakalulung Aita, kayabe ing kayang kagiwan king pamanigaral king tau ampo king sosiedad o ketawán.

Aniang Junio 22, 2007, metung a petsang maliaring ausang pekamaulagang pinandit ning limampulu't apat (54) a banua ning pamanatili ning UP king lalawigan, pigkalub ne king unibersidad ning CDC ing metung a loting 3.28 ektarea a magsilbing permanenti nang karinan ning UPDEPP. Merapat iti king metung a makabaldugan a seremonia ning pamanaspak gabun (groundbreaking ceremony) a mitukian king metung a makatagkil kapanamdaman a pamisubli da reng miyari (alumni homecoming).

Miyugnayan la ring UP ampong CDC king pamaniamasan kaniting bayung karinan, a balak dang gawang "university town" o balen a pang-unibersidad. Kayari na, magi yang metung ing Clark kareng ditak mung masaplalang special economic zone (makabukud a karinan a pang-ekonomiya) king yatung maki institusion ning matas a pamagaral king kayang sasakupan.

Ing UPDEPP, a makikilala murin king lagyung “UP Clark” ampong “UP Pampanga”, miras ne king ustung edad, at malaut ne disan manibat king maluka nang pangabait kanitang 1953, ampo ing pamibangun na manibat king kasiran a dela ning pamamakbung ning Pinatubu kanitang 1991. Ngeni, magsilbi ya antimong sentru ning kabiasnan ning Region 3 ampo ning Labuad Kapampangan. Makayagum la kaya deng matenakan dili king labuad (rehiyon), at pikabaluan ne uling kareng kayang tagumpeng pang-institusion ampong ambag king panyulung ning kabiasnan.

King salukuyan, panigobran ning kayang direktor, i Dr. Juliet C. Mallari, ing pamangalap king apat a miliung dollar (US$14 million) para king pamanikdo ning UP Clark University Town. Menikua neng pamirakeng (appropriation) limampulung miliung pesus (PhP 50 million) manibat kang Representanti (Cong.) Edcel Lagman ning Albay. Bayu iti, mengaku yang munie limampulung miliun muring pesus i Senador Lito Lapid ning Pampanga, oneng minurung ya king e malinong sangkan.

Programang Akademiku

Programang Pang-kolehiyu (Undergraduate Programs)

Programang Pang-graduadu (Graduate Programs)

Aguman ampong Pamikakapatad da reng Magaral

AGUMAN A AKADEMIKU

  • Association of Economics Students (AES)
  • Business Management Society
  • UP Psychology Society

AGUMAN A PANG-SOSIEDAD-PANGKULTURA, PAMPULITIKA AMPONG PANGRELIHIUN

  • UPEPP Student Council
  • SAMANA (Samahan ng mga Mag-Aaral na Nagkakaisa)
  • UP Hijos
  • UP Lakan
  • Rotaract Club of UPEPP
  • Campus Crusade for Christ
  • Bible Readers (BREAD) Society
  • Graduate Students Association

PAMIKAKAPATAD (Confraternities)

  • Alpha Phi Omega Inter Collegiate Fraternity and Sorority
  • Kappa Sigma and Kappa Delta Sigma Confraternity
  • Pi Sigma and Pi Sigma Delta Confraternity
  • Sigma Kappa Pi Fraternity
  • Sigma Delta Pi Sorority
  • Tau Gamma Phi and Tau Gamma Sigma Confraternity

Deng Mamuntukan king UPEPP Clarkfield

  • Dr. Juliet C. Mallari -Direktor (Director)
  • Dr. Romulo G. Pizaña -Kaduang Direktor (Deputy Director)
  • Prof. Gerry B. Agulto -Talapanibala king Eskuelang Pang-graduadu (Graduate School Coordinator)
  • Prof. Christopher Sanguyu -Talapanibala kareng Magaral a Kolehiyu (Undergraduate Coordinator)
  • Dr. Nenita M. Dayrit -Opisial para king Pamakiugnayan kareng Magaral (Student Relations Officer)
  • Prof. Florencia Charito Sebastian -Talapanibala, Komite king Pamanialiksik ampong Pamaniuyung Balen (Coordinator, Committee on Research and Extension)
  • Ms. Anne D. Mabanta-Fabian -Talapanibala, Komite king Kultura ampong Alit (Coordinator, Committee on Culture and the Arts)
  • Mr. Rhayan G. Melendres -Talapanibala, Sentru ring Sangkap king Pamagaral (Coordinator, Learning Resource Center)
  • Dr. Davis Tharayil -Talausuk a Talaturu (Faculty Counselor)

Lon la murin deti

Suglung palual


Universidad ning Pilipinas

Pamagaral

Kayagum a Unibersidad
Diliman | Los Baños | Menila | Visayas | Mindanao | Baguio | Open University
Makasuglung a Campus
Extension Program in Pampanga (Diliman) | Extension Program in Olongapo (Diliman) | School of Health Sciences, Leyte (Manila) | Cebu College (Visayas) | Tacloban College (Visayas)
Sanga king Pamagmulang Pamagaral
Integrated School (Diliman) | Rural High School (Los Baños) | Laboratory High School (Visayas)

UPiana

Oblation | Official Seal | UP Naming Mahal | U.P. Press | List of University of the Philippines people | UP College Admission Test | UP Centennial

Pasiknangan

UAAP | Fighting Maroons | UP Pep Squad

Campus

Philippine General Hospital | International Rice Research Institute | The Main Library | U.P. Carillon | Parish of the Holy Sacrifice | Jorge Vargas Museum | UP Computer Center | UPLB College of Forestry and Natural Resources

Bie ring Magaral

Philippine Collegian (Kulê) | DZUP 1602 | U.P. Madrigal Singers | U.P. Concert Chorus | U.P. Singing Ambassadors | Dulaang U.P. | U.P. Repertory Company