Uttarakhand

Ibat king Wikipedia
  ?Uttarakhand
India
Map indicating the location of Uttarakhand
Thumbnail map of India with Uttarakhand highlighted
Location of Uttarakhand
Coordinates: 30°20′N 78°04′E / 30.33, 78.06
Oras zona IST (UTC+5:30)
Lualas 53,566 km² (20,682 sq mi)
Tungku Dehradun
Pekamaragul a lakanbalen Dehradun
Distritu) 13
Populasiun
Pangasiksik
Literacy rate
8,479,562 (19th)

• 72%
Amanu Hindi, Kumaoni,Garhwali
Governor Banwari Lal Joshi
Chief Minister B C Khanduri
Established 9 November 2000
Legislature (seats) Unicameral (71)
ISO abbreviation IN-UL
Website: ua.nic.in
Ing Dehradun ing pansamantalang tungku o capitoliu ning estadu. E pa mepili ing bayung tungku.
70 (mialal) + 1 (pinili o nominated a Anglo-Indian)
Seal of Uttarakhand
Seal of Uttarakhand

Coordinates: 30°20′N 78°04′E / 30.33, 78.06

Ing Uttarakhand (Hindi: उत्तराखण्ड o उत्तराखंड Uttar + Akhand, a mangabaldugang Pangulu + Dake), metung yang estadu a mayayakit king pangulu nang dake ning India. Melalang ya manibat kareng distritu ning Uttar Pradesh a atiu king Himalayas o malapit kareti aniang 9 Noviembri 2000, at megi yang ka27 a estadu ning Republica ning India [1].

Ing Uttarakhand makalele ya king Tibet king pangulu, Nepal king aslagan, ampo kareng estadu ning Himachal Pradesh king albugan ampong Uttar Pradesh king mauli. King kasalesayan, mayayaus yang Uttarakhand kareng kasulatang banal a Hindu ampo king matuang literatura. Iting terminung Sanskrit mangabaldugan yang Pangulung Bangsa o Dake. Atin yang lualas a 20,682 sq mi (53,566 km²).

Aniang Eneru 2007, miyalilan ya king Uttarakhand, manibat king Uttaranchal, ing pansamantala nang lagiu, agpang king kaburian ning maragul nang dake da reng memalen. Ing pansamantala nang tungku (capitoliu o cabecera) ning Uttarakhand ya pin ing Dehradun, metung a sepu ning rilis tren ampong pekamaragul a lakanbalen o ciudad ning labuad a iti. Ing malating sitiu o hamlet ning Gairsen ing sasabian dang paintungulan a tungku uli ning makalibutad nang pusisiun, dapot uling kareng kontrobersia ampong kakulangan king pondu, ing Dehradun pa murin ing pansamantalang tungku. Ing Matas a Ukuman ning estadu atiu king Nainital.

Kayabe la kareng bayu-bayung maliliari king labuad deng munikala king kapamahalan ning estadung samantalanan no reng industriang pamaglalang gamat (handloom) ampong handicrafts, ing daragul a industria ning turismu ampo reng insentibu king buis ba lang agiagan deng industriang high tech o matas a teknolohia king estadu. Atin ya muring proyektung mangaragul a dam ing estadu, a a kontrobersial at maralas dang paturanan king India, kayabe ya ing Tehri dam kareng ilug a Bhagirathi-Bhilangana, a miumpisan kanitang 1953 at malapit nang mayari.[2] Ing Uttarakhand murin ing penibatan ning pangimut a pangkapaligiran a Chipko ,[3] ampo reng dakal pang pangimut a pang-sosiedad, kayabe ne ing pangimut a pangmasang pigmulan ning kayang pamag-organisa.

Karagdagang babasan

State symbols
State animal Musk Deer
State bird Monal
State tree Rhododendron
State flower Brahma Kamal
  • Husain, Z. (1995). Uttarakhand movement: the politics of identity and frustration, a psycho-analytical study of the separate state movement, 1815-1995. Bareilly: Prakash Book Depot. ISBN 81-85897-17-4
  • Śarmā, D. (1989). Tibeto-Himalayan languages of Uttarakhand. Studies in Tibeto-Himalayan languages, 3. New Delhi, India: Mittal Publications. ISBN 81-7099-171-4
  • Fonia, K. S. (1987). Uttarakhand, the land of jungles, temples, and snows. New Delhi, India: Lancer Books.
  • Mukhopadhyay, R. (1987). Uttarakhand movement a sociological analysis. Centre for Himalayan Studies special lecture, 8. Raja Rammohunpur, Dt. Darjeeling: University of North Bengal.

Dalerayan

  1. Uttarakhand Govt. of India, Official website.
  2. Yadav, K. P. S. (2002). Going Under : Tehri prepares for a watery grave as the controversial dam becomes a grim reality. Its residents are in mourning, their grief compounded by an uncertain future. Down To Earth, 10(16), 20.
  3. Guha, R. (2000). The unquiet woods : ecological change and peasant resistance in the Himalaya (Expanded ed.). Berkeley, Calif.: University of California Press.


Suglung palual

Template:Municipalities of Uttarakhand