Wikipedia talk:Pasbul (Portal) ning Balen

Page contents not supported in other languages.
Ibat king Wikipedia

Pipagtalamitam


Iní ing grupu da reng súsúlat keng Wikipedia king Amánung Kapampangan. Agkatán da kayung makiyánib ba yang miragdagán ining encyclopedia tamu ngan at lumábung ya ing kekatámung Amánung Sísuan.

Nung atin kayung kutang, Sumulat kayu Babo[alilan ya ing pikuwanan]

yacu pu ecayu mimwa quening canacung cutang... apansin cu ing gagamitan ye ing letrang K.... qng canacung cabaluan tagalog yapu ing letrang k eya pu capampangan...Malyari po yatang gamitan queng salitang "Wikipedia" uling andam ya ing salitang ita. Nung palagi yu pu ing magcamali cu queng canacung opinion, nung malyari po linawan yu niya ban canita naman miragdagan ing canacung quebaluan queng salitang capampangan... Salamat pung dacal... perry ruiz queng perryruiz@hotmail.com

Pamangamit /K/ o /C/[alilan ya ing pikuwanan]

Ing kutang yu pu tutu yang masakit pakibatan. Ing pamangamit /C/ keng amanung Kapampangan eya mali. Ustu lang pareu deng /K/ o /C/. Pareu lang indam. Deng kekatamung matuang pamanyulatmap ela makanyan. Deng titik /C/ o /K/ ibat la keng Romanung pamanyulat. Uli ning atin minunang pamitipun, aniban o aguman Kapampangan a inaus dang Akademyang Kapampangan, ing karelang inampun a titik iyapin ing "k".

Keng kaduang bulung ning "Magaral Tang Kapampangan" a sinulat nang Evangelina Hilario Lacson oini ing makasulat.

"Ding prayling Kastila e ra la tirung Kastila ring Pilipinu nune ila ring megaral sinulat at migsalita king mana tamung amanu. Inya ing pamanyulatmap (orthography) ding Kapampangan megulu ya anting "sikolong abaka" Muna inalilan da ing sadyang pamanyulat Pilipinu king karelang pamanyulat Romano. Subali kanita, deyu re ing titik a /k/ at inalili ra la ring /c/ at /q/ uling ketang panaun a ayta, ing salitang Kastila ala yang /k/. Iti patutwan nang Padre Diego Bergaño king keyang sinulat a Vocabulario dela Lengua Pampanga ketang 1732, king bilungan 185, ing makatuki:

Ding amanung magsimula king /q/ at ding amanung maki /c/ mengabayu la uling ing Kapampangan e ya mikimakanyan a titik at ikaming Kastila pinilit mi ing sadya ming pamanyulat uling ing Kastila ala yang titik a /k/."

Ing kulitan emu mayayari kareng titik a /c/ o /k/. Atin pang dakal aliwa antimo reng pamangamit kareng titik a /i/ o /y/, ing /J/ o /H/, ing /u/ o /w/ at nung gamitan la reng kulitan a dayu a kareng katayang dayu a indam tamu.

Sana eka masisira lub uli na niti. Sana lawen mung eya sagabal iti. Uling aku meragul kung mamasang aklat kareng katayang /c/ at /q/. Karas keng pamitalamitam nung insanu ing ustu maralas iwasan ku iti pauli ning alang pupuntalan. Uli na ning mayumu mung pamangutang makanyan kiyang pekibatan.

Pasibayu alang mali o alang ustu mu kabud.

Ing obra keng Kapampangan wikipedia tutung dakal at ditak la reng talapagobra. Sana dakal la pa reng maka-ambag keng paintungulan at paninasan tang miki dakal a sulat Kapampangan.--Val2397 03:50, 2 October 2007 (UTC)

Friendster group[alilan ya ing pikuwanan]

--Exec8 07:23, 14 Hunyo 2008 (UTC)

Mekua ya king "https://pam.wikipedia.org/w/index.php?title=Wikipedia_talk:Pasbul_(Portal)_ning_Balen&oldid=291794"