Asu

Manakit kang karagdagang impormasiun tungkul king Asu kareng kapatad nang proyektu ning Wikipedia:
	Kabaldugan king diccionariu
	Aklat
	Quotations
	Kasulatan a dalerayan
	Larawan ampong media
	News stories
	Learning resources

Matunud a Asu
Fossil range: Late Pleistocene - Recent

Kabilian a pang-konserbasiun

Domesticated

Scientific classification

Sakup:	Eukaryota
Kaarian:	Animalia
Phylum:	Chordata
Pinduan:	Mammalia
Orden:	Carnivora
Familia:	Canidae
Genus:	Canis
Species:	C. lupus
Subspecies:	C. l. familiaris

Trinomial name

Canis lupus familiaris

Ing doberman, metung a lahi da reng asu.

Dogs Portal

Ing asu metung yang mammal a malyaring sesen at keraklan, maganaka ya kareng tau. Neng kayi, gagamitan de reng tau ing katayang "asu" kareng mangalyap a animal a kamaganak da reng asu, alimbawa deng lobu (wolf), zorra (fox) ampong coyote.

Kalupa ra reng lobu, abe-yabe la kareng grupu o pangkat deng asung malyap. Maki ranggu la reng asung kayabe king pangkat, at pasakup la reng asung mababa ranggu karetang mas matas karela. Alpha male ing aus da ketang asung matas dili ranggu. Matapat la king metung at metung deng asu king metung a pangkat.

Labi nong apat a libung (14,000) banwang mabibye reng asung kayabe la reng tau.

E la magkulang king walung dalan (800) deng lahi o breed da reng asu. Nung pareu la lahi deng pengari ning metung a asu, makanyan ya mu naman ing kayang lahi. Puru la lahi o pure pedigree dogs la reng asung deti. Nung miyaliwa la lahi deng pengari ning metung a asu, ala yang lahing amanu iti. Samut ya (mixed-breed, hybrid, o mongrels) ing asung iti.

Masikan ing pamamau da ampong pamakiramdam deng asu, dapot e ro makaing akakit deng kule.

Dakal a paralan ing pamagsilbi da reng asu kareng tau. Sasabyan dang ila ing pekamalapit dang kaluguran deng tau "man's best friend". Alimbawa, ating asung magsilbing bante, mangasu, mamastul, ampong sasaup kareng bulag. Midala na la pin king leparan (space o kalawakan) deng asu kapamilatan da reng Ruso, pilang banwa bayu la miras karin deng tau. Kareng mapilan a bansa, kakanan do reng asu anting babi, baka at aliwa pang animal. E katanggap-tanggap iti karetang aliwang bansa nung nu ro tuturing a sese deng asu at e pamangan.