H.264/MPEG-4 AVC
Ing H.264 metung yang standard para king pamanyiksik king video (video compression). Ausan de muring MPEG-4 Part 10, o MPEG-4 AVC (para Advanced Video Coding). Metung ya kareng pekabayung block-oriented motion-estimation-based codec a gewa ning ITU-T Video Coding Experts Group (VCEG) kayabe ya ing ISO/IEC Moving Picture Experts Group (MPEG) antimong produktu ning pamisaup a maki lagiung Joint Video Team (JVT). Ing ITU-T H.264 standard ampo ing ISO/IEC MPEG-4 Part 10 standard (a maki pormal a lagiung ISO/IEC 14496-10) miyayabe rong mamantinian, bang kanita, pareu ing karelang laman a teknikal (technical content). Miyari ing final drafting o tauling obra king pamaniulat ning purmerung bersion ning standard kanitang Mayu 2003.