Ogg

Ibat king Wikipedia
Ba kang mabiasang maglalang simpan a alben o katni (audio or video files) para king Wikipedia ampo reng kapatad nang proyektu, munta ka king

Wikipedia:Creation and usage of media files.

Ogg
Vorbis Logo
File extension .ogv, .oga, .ogx, .ogg
MIME type video/ogg (unregistered), audio/ogg (unregistered), application/ogg
Magic number OggS
Developed by Xiph.Org Foundation
Type of format Container format
Container for Vorbis, Theora, Speex, FLAC, Dirac, and others.

Ing Ogg metung yang libri ampong open standard a container format a mamantinian ning Xiph.Org Foundation. E ya limitadu kareng software patent ing Ogg format, at megawa ya para king matalab o episienting streaming ampong pamangamit king digital multimediang matas a kalidad.

Ing lagiung ‘Ogg’ mangabaldugan yang file format a maliaring mag-multiplex king mapilan a mikakawani ampong sariling libri ampong open source a codec para king audio, video, text (alimbawa subtitles), ampong metadata.

King pamibalangkas a multimediang (multimedia framework) Ogg, ing Theora ing magsilbing lossy video layer, kabang ing Vorbis codec a keraklan para king musika naman ing magsilbing audio layer. Maliari ya muring magsilbing audio layer ing codec para king pamanyiksik king pamagsalitang tau (human speech compression codec), ing Speex; ing FLAC a lossless audio compression codec; ampo ing OggPCM.

Ing katayang ‘Ogg’ keraklan deng gagamitan king audio file format a Ogg Vorbis; ing buri nang sabian niti, maki Vorbis-encoded audio king lulanan a Ogg. Aniang mumuna, gagamitan de ing .ogg file extension kng sanumang laman a kakalat da kapamilatan ning Ogg. nanupata, aniang 2007, pekisabi ning Xiph.Org Foundation a gamitan ya mu king Vorbis ing .ogg king Vorbis uling pigaganakan da ing pamibage da reti (backward compatibility concerns). Migdisisiun ya ing Xiph.Org Foundation a maglalang bayung grupu da reng file extension ampong media tyupe para kareng miyayaliwang uri ning laman, alimbawa .oga kareng audio only file, .ogv king video, maki katni man o ala (kayabe ya ing Theora), ampong .ogx kareng applications.[1]

Lon la murin deti[mag-edit | alilan ya ing pikuwanan]

Dalerayan[mag-edit | alilan ya ing pikuwanan]

  1. MIME Types and File Extensions. XiphWiki (2007-09-07). Retrieved on 2007-09-10.

Suglung palual[mag-edit | alilan ya ing pikuwanan]

Template:HelpCommons

Ing Wikimedia Commons atin yang mediang maki kaugnayan kang/king:
Paintunan me ing Ogg king
Wiktionary, ing timawang diccionariu.

Template:Xiph.org