Maximino Hizon
| Maximino Hizon | |
 | |
| Mibait | 9 Mayo, 1870 Mexico, Pampanga |
|---|---|
| Kematian | 1 Septiembre, 1901 Guam |
I Maximino Hizon (9 ya ing Mayo 1870 – 1 ya ing Septiembre 1901) metung yang revolucionariong Filipino a a menibala king pamag-alsa laban king pamaniakup da reng Castila king lalam nang Emilio Aguinaldo.[1] Menibat ya king mabanding familia king balen ning Mexico, Pampanga.[2] Mekiabe ya king Katipunan at menibala ya king mision king pamaglusub king Menila ba yang itimawa kareng Americanu.[2] Mekilala ya king Laban king Caloocan anyang 23 ya ing Febrero 1899. Bukud king Pampanga ampong Menila, ya ing menibala king pamanyalake kareng Americanu king Bataan, Zambales, Tarlac ampong Pangasinan.
Miyabe ya king pang-ukbung sanga ning Kapamahalang Revolucionario ning Pampanga, at pinili neng Gobernador Tiburcio Hilariong manibala kaniti.[3] E miglambat, megi yang heneral[4] at migsilbi yang pekakatawan ning Sorsogon king Congreso ning Malolos.[5]
Dalerayan
[mag-edit | alilan ya ing pikuwanan]- ↑ Aquino, Glenna (2014-01-14). ‘Bale mi’– ‘my house’ (en-US).
- ↑ 2.0 2.1 Orejas, Tonette (2016-08-29). In Pampanga, all heroes are remembered (en).
- ↑ Viray, Atty Atlee T. (2021-03-09). Viray: The Hilarios: Excellence in their blood (English).
- ↑ Cruz, Elfren S. (2018-04-18). Days of Filipino valor (en).
- ↑ Orejas, Tonette (2015-08-31). Pampanga City keeps Heroes Park (en).
Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.