Our Lady of Fatima University
|
| |
| Motto | VERITAS ET MISERICORDIA (katutwan ampong pakalulu) |
|---|---|
| Mitátag | 1967 |
| Uri | privadung universidad |
| Pamuntuk | Juliet O. Santos, PhD |
| Lugal | Valenzuela Lakanbalen; Quezon Lakanbalen, Filipinas |
| Website/Karinan-Aptas | www.fatima.edu.ph |
Ing Our Lady of Fatima University, a sadyang maki lagyung Our Lady of Fatima College, metung yang privadung universidad king Filipinas. Adwa ya campus, metung king Valenzuela Lakanbalen ampong metung king Quezon Lakanbalen. Makatutuk ya ing universidad kareng cursung makaugne king pamanulu o medicina. Ibat ya ing kayang lagyu king Philippine National Shrine of Our Lady of Fatima a malapit king campus king Valenzuela, dapot e makaugne king Iglesia Catolica, at tatanggap yang magaral king sanumang relihiun o kasalpantayanan.
Amlat[mag-edit | alilan ya ing pikuwanan]
Mitatag ya king Valenzuela kanitang 1967 kapamilata'nang Jose C. Olivares ampo ing kayang manuyang, i Dr. Vicente M. Santos, at menibat ya king Our Lady of Fatima Hospital. Ing ospital a iti ing meging manimunang magserbisiu king kabulasan (health) da reng tau Valenzuela. Metung yang negocianti i Olivares, a meging propesor king quimica (chemistry) king Ateneo de Manila University ampo king University of the Philippines. I Santos naman, simpli ya penibatan king Hagonoy, Bulacan, miyari ya king University of Santo Tomas, megi yang w:obstetrician-gynecologist, at pepanganak yang syam a pulu't anam a libung (96,000) bingut king apat nang pulung banwang magsilbi[citation needed]. Kapagnasan ning colegiung itikdu la reng virtud ning "veritas et misericordia" (Latin para king katutwan ampong pakalulu).
Meragul ya ing institucion manibat king general hospital paras king teaching hospital para kareng maningat king kabulasan (health care providers), antimo deng nurse ampong komadrona. Migumpisa iti kanitang 1973, nung kapilan ya mitatag ing Our Lady of Fatima College of Nursing. Ketang 1976, mipasar la reng anggang kinangwa king Nursing Board examinations, bageng e pa sadyang milari. ]][citation needed]. Sindu nang Dr. Santos ampo ning kayang asawa, i Juliet Olivares-Santos, ing pamagparagul king escuela, kayabe ne ing pamitatag ning Fatima College of Medicine kanitang 1979. Agyang makatutuk ya pa keraklan king medicina ampong kabulasan ing Fatima, miragdagan la reng kayang cursu ketang decadang 1990, at migumpisa la reng cursu antimong computer science, maritime education, ampong comerciu. Megi yang universidad ing colegiu ketang Diciembre 2002, nung nu i Vicente Santos ing pamuntuk a talatatag (founding president). Anyang kamate na, ing asawa na ing minaliling pamuntuk.