Philippine Military Academy

Ibat king Wikipedia
Lundag ka king: pamaglibut, paintunan

Ing Philippine Military Academy (PMA) ya pin ing eskuela nung nu la magaral deng maging opisial ning Ukbung Makisandata ning Filipinas (Armed Forces of the Philippines]]. Mitatag ya antimong Officer's School of the Philippine Constabulary (Pipagaralan da reng Maging Opisial ning Constabulariu ning Filipinas) kanitang Febrero 17, 1905 king Intramuros, Manila, dapot miyalis ya king Baguio Lakanbalen anyang Setiembre 1, 1908.

Amlat[mag-edit | edit source]

Malyari yang tukyan ing amlat ning Philippine Military Academy king Academia Militar a mitatag kanitang Octubre 25, 1898 king Malolos, Bulacan. I General Emilio Aguinaldo, ing pamuntuk ning bayung republika, ing mitatag king Academia, lalon da antimong institusion a sanayan kareng maging opisial ning ukbu makasandata. Sadya lang kayanib ning Guardia Civil a Castila deng keraklan kareng tuturu king pipagaralan a iti, a pinili ning kapamahalan bang turu kareng sundalus a Filipinu. Misara ya kanitang Enero 20, 1899 anyang milablab ing laban da reng Americanu ampong Filipinu.

Mitatag ya ing metung a Eskuela da reng Opisial ning Philippine Constabulary ketang Febrero 17, 1905 kilub ning Intramuros. Miyalis ya iti king Baguio anyang Setiembre 01, 1908. Agpang king Act No. 3496 ning Legislatura ning Filipinas, a mipasar anyang Setiembre 08, 1926, miyalilan ya king Philippine Constabulary Academy ing lagyu na niti, at mekaba la reng kursu manibat king siyam a bulan angga king atlung banwa.

Anyang mipasar ya ing National Defense Act (Leyi king Pamamingwa ning Bansa) anyang Diciembre 21, 1936, pormal yang mitikdo ing Philippine Military Academy, a mipaintulutang magkalub king titulung Bachelor of Science kayari da reng kursung apat a banwa.

Anyang mikalabkab ing World War II, megulung ing pamagsane, maranun dong pepayarian deng klasing 1942 ampong 1943, at peparala do reti bang lumaban king Bataan ampo reng aliwang lakanbalen o siudad ning Filipinas. Dakal kareng kayanakan a opisial a reti ing mete anyang gera.

Kaybat ning gera, mibusni yang pasibayu ing Academy anyang Mayo 5, 1947, king Camp Henry T. Allen. Nanupata, uling mangaylangan yang mas maragul a lugal a gabun a pipagmartsan, miyalis ya king salukuyan nang tatalakaran king Fort Del Pilar, Loakan, manga apulung kilometru manibat king sentru ning Baguio. [1] ing bayung lugal ning Academy. Anyang dekadang 1960, uling mangaylangan lang sundalus a mas balansi belwan ampong kauryan, digdagan do reng kursung tungkul king sociedad ampong humanidades (pamagaral kareng tau).

Megi yang makabaldugang banwa ing 1993, ing banua nung kapilan la tinanggap babaing kadeti, at mitutuk la king metung a sanga (specialization) agpang king luban dang dake ning ukbung makisandata.

Suglung palual[mag-edit | edit source]

  • Pepalagyuan neng Raymundo Luna (a kayabe na king obrang Presidenti Fidel Ramos) a Fort Del Pilar.