Diosdado Macapagal

Ibat king Wikipedia
Jump to navigation Jump to search
Diosdado Macapagal
Ph pres macapagal.jpg
Pamituki-tuki (Pang-pilan) Kasyam a Pamuntuk ning Filipinas
(Kalimang Pamuntuk ning Katlung Republica)
Panaun ning Pamanibala Disiembri 30, 1961
Disiembri 30, 1965
Kadwang Pamuntuk Emmanuel Pelaez
Elilan Carlos P. Garcia
Katuki Ferdinand Marcos
Mibait Septiembri 28, 1910
Lubao, Pampanga, Filipinas
Mete Abril 21, 1997
Makati, Metro Manila, Filipinas

Diosdado Pangan Macapagal (Septiembri 28, 1910Abril 21, 1997) ing ika-siyam Presidenti ning Filipinas.

Ing kayang anak a babai, Gloria Macapagal-Arroyo, sadia neng Pamuntuk ning Filipinas.

Bye Kayanakan at Ayari

Mibait ya Lubao, Pampanga aniang a-28 ning Septyembri 1910 kari Urbano Macapagal at Romana Pangan. Meyari yang Valedictorian king Lubao Elementary School at minari yang sekundarya antimong kaduang diling matas king klase na.Karin king Pampanga High School.Pengari nala di Urbano Macapagal at Romana Pangan. Pakakalulu ya ing kayang pamilya, dapot keng saup nang Honorio Ventura, ing Secretario ning Interior anyang panaun aita, Megobra ya saugli king Bureau of Lands kabang papagaral na ing sarili na king kursong Associate in Arts karing king University of the Philippines. Mituknang yang magobra at magaral pauli ning meina ya katawan. Kaibat nang meyari king Associate in Arts, megaral yang pasibayu at kinanguang abugasya king Philippine Law School. Mituknang yang pasibayu pauli ning dimut a kwalta, a nu kaibat sinaupan ne ning kabaluan a pilantropo, Don Honorio Ventura. Inari ne ing kursung abugasya king University of Santo Tomas. Meyari yang panga abugasya inyang 1936 at migbabo ya antimong topnotcher ning Bar Examination ita murin banuang ayta. Megobra yang bilang abugadu ketang Americanung kumpanaya king Menila, at mitutukan yang bilang legal assistant kang Pamuntuk Manuel Quezon.

Inyang panaun da reng giyerang Japon a sinakup Filipinas inyang Metu-Yatung Panganduang Labanan, migsilbi ya bilang supporta kareng lalaban kareng Japon ampong bilang tagamasid da reng Ukbung Americanu.Migsilbi ya king Department of Foreign Affairs Antimong kaduang sekretarya king embajada ning Pilipinas Karin king Washington, Estados Unidos. Ketang panaun a iti karin ya mete ing kayang asawa pauli ning kulang keng pamangan.Mekiasawa yang pasibayu kang Evangelina Macaraeg, ima ning kasalungsungan a Presidenti ning Filipinas.Inyang 1949, pepaulian neng Presidenti Quirino ban tagal konggresista salang king matalik nang kaluguran at kayabe poeta, Amado Yuzon, anu Karin sinambut neman. King kekaba ning pamanungkulan na antimong konggresista, minupul yang dakal a pamagkilalal at parangal antimong metung karing pekamagaling at pekamasigasig a diputado.

Inyang1948 migsilbi yang pangaduang secretario king Philippine Embassy king Washington, DC. Inyang 1949 meyalal ya king House of Representatives, a migsilbi yang anggang 1956. Inayang panaun a ita, iya ing mamarap para keng Filipinas king United Nations General Assembly mekatatlu.

Inyang 1957, meging kayanib ya bilang Liberal Party, meging pangaduan pamuntuk ya lalam ng Presidenti Carlos P. Garcia ning Nacionalista Party.

PangaPamuntuk

Meyalal ya inyang 1961 uli da reng coalition da reng liberals at progressives. Lebanan na ing lagayan at pamanako king gobiernu. Keng masusi ng magluid ya ing economia, menyad yang usuk kareng mgakualta sasaup kaya at pepaburen neng ginato ing pesus keng libring pamamalengki. Ing patakaran a ini mengasakitan ya ing panyalaping mangasiwa ning gubiernu king balang banua inyang makalukluk ya. Deng kayang reforma selabatan do reng Nacionalistas, a nung nu la ing pekamarakal king House of Representatives at king Senadu inyang panaun a ita. Iya ing miki pasari king pangayalili ning Aldo Katimawan manibat July 4 (American Independence) a meging June 12 (Spanish Independence).

Inyang 1965, mesambut ya inyang alalan pamuntuk kang Ferdinand Marcos, a nung nu mitalakad a conservative coalition a sasalungat karetang reforma ng Macapagal.Dapot simbut neng Ferdinand E. Marcos king halalan ning 1965. Inyang 1971.

Sinambut yang presidenti anyang 1961, a nukarin dakal ya likwan a pamana king bansa:

  • Ing pamaglako king pamakisamak kapamilatan ning pamipasar king Agricultural Land Reform inyang 1963;
  • Pamaglipat king Aldo ning Kasarinlan o Independence Day ibat Hulyo 4 king Junio 12;
  • Ing MAPHILINDO o ing aguman da ring Asyanung bansa dane mauli a penibatan ning ASEAN ngeni;
  • Ing Decontrol Policy o ing malayang galo ning kwaltang Pilipino salang king Dolar Amerkanu;
  • Misubung king Pamakipaglualu king karapatan ning Pilipinas king Sabah Karin king Malaysia.

Kaibat ning Panga-Pamuntuk

Y Diosdado Macapagal makalarawan ya keng 200-peso bill.

Inyang 1971, Macapagal meyalal ya bilang pamuntuk ning constitutional convention a menalili king 1973 constitution ng diktadurang Marcos. Tinagal ya at sinambut assemblyman ning Batasang Pambansa. Dapot migsalita yang masikan salalng king gubyerno anyang alilan da ne inyang 1973 ing Saligang Batas ning Pilipinas ban mayun king pansarili nang capagnasan ning makalukluk a kapamahalaan. E mu nanu ing peligro binie na niti ning bie na at ning keyang pamilya.

Inyang 1979 mitatag yang National Union for Liberation para labanan ne ing regimeng Marcos.

Y Diosdado Macapagal mete ya keng pamapalya ning pusu, pulmunya at komplikasyun keng pamanakla king Makati Medical Center on Abril 21, 1997. Kitkut de king Libingan ng mga Bayani.

Uyni pu ing makuyad a meapsi king sarili nang talambie sinulat aniang 1987:


Ing pekamaragul kung pagkalungkutan ing eku la man mo asaupan ring masang pakakalulu ban mitigko ka la ibat king malambat da nang pangatimawa king kasakitan bista man yang pekapun a kapagnasan ning kakung karera king pulitika. Linabas king lub ku, aku ing mumunang diling kalulu a milukluk Presidenti dapot eku mikwalta, aku na sana ing pekamasikan dang palad king karelang kanawan.

Suglung Palwal

Minuna kaya
{{{before}}}
{{{title}}}
1957–1961
Menalili kaya
{{{after}}}
Minuna kaya
{{{before}}}
{{{title}}}
1961–1965
Menalili kaya
{{{after}}}


Ding Presidenti ning Kapuluan Filipinas
Seal of the President of the Philippines
  Aguinaldo | Quezon | Osmeña | Laurel | Roxas | Quirino | Magsaysay  
  Garcia | Macapagal | Marcos | C. Aquino | Ramos | Estrada | Arroyo | B. Aquino   
Kapamp2c.png Ing artikulung iti tungkul king tau, lugal o bageng maki kaugnayan king Kapampangan metung yang suli. Maliari kang sumaup keng Wikipedia kapamilatan ning pamandagdag o pamisusug kaniti.