Manuel L. Quezon

Ibat king Wikipedia
Jump to navigation Jump to search
Manuel L. Quezón
Pamituki-tuki (Pang-pilan) Pangaduang Pamuntuk ning Filipinas
(Mumunang Pamuntuk ning Commonwealth)
Panaun ning Pamanibala Nobiembri 15, 1935 (re-elected Desiembri 31, 1941) –
Agostu 1, 1944
Kadwang Pamuntuk Sergio Osmeña
Elilan Emilio Aguinaldo
Katuki Sergio Osmeña
Mibait Agostu 19, 1878
Baler, Tayabas, Philippines
Mete Agostu 1, 1944
Saranac Lake, New York, United States
File:Qmcirc.jpg
The Quezón Memorial Monument

Y Manuel Luis Quezon Y Molina mibait ya ketang Agostu 19, 1878, at meangu ing bie na ketang Agostu 1, 1944. Ya ing mumunang Pamuntuk na ning Commonwealth na ning Pilipinas. Ya ing kikilalanan a pangaduang meguing Pamuntuk ning Pilipinas kaibat nang Emilio Aguinaldo. Ing administrasyon nang Aguinaldo e lubusan mekilala keting mabiluig a yatu at Y Aguinaldo ene kilala ning Amerika antimong mumunang Pamuntuk ning Pilipinas.

Ing Kasibulan at Sibukan nang Quezon

Ing mistisung Kastilang Y Manuel L. Quezon bait ya king balen ning Baler, Kaukuman ning Tayabas a ngeni ausan dang Aurora. Mekilaban yang kambe ra ding Makabansang Pilipino inyang guera Pilipino Amerikano, at migserbisyu ya antimong Aide-de-camp na ning kanita Pamuntuk a Emilio Aguinaldo.

Kaibat neng ayari ing Mababang Pag-aralan king pamanuru nang Ima na at ing pribadung talaturu, linub ya king koleguio na ning San Juan de Letran nung nune ayari ing Matas a Pag-aralan. Megaral yang batas king Unibersidad ning Santo Tomas nung nu meyari yang pang-apat karing matas dili ikua king pamagsulit. Mekipag-obra ya antimong Klerk at Surbeyor, migserbisyu ya king gobyernu antimong Piskal na ning Mindoro at kaibat king Tayabas. Meguing Konsehal yang balen at sinambut yang Gobernador ning Tayabas lalam ning Partidung Independente ketang 1906. Inyang 1907, migserbisyu ya antimong Majority Floor Leader na ning Mumunang Asemblea ning Pilipinas at meguing Chairman ne ning Committee on Appropriation. Ibat king 1909 anggang 1916, metung ya karing aduang Residensyang Komisyoner ning US. House of Representatives, at pekipaglaban ne ing Philippine Autonomy Act o Jones Law.

Sinambut yang Senador inyang 1916, at yang meguing Pamuntuk na ning Senadu anggang 1935. Penimunan ne ing mumunang misyun para king kasarinlan ning Pilipinas king kongresu ning Amerika inyang 1919, at dela neng minuli ing McDuffie Independence Law inyang 1934.

King Amerika, karin ne akilala Y Napoleon Hill. Lakuas yang mikadiwa ban magobrang alang patna para king pamagsarili na ning Pilipinas.

Bilang Pamuntuk

King peka-mumunang diling eleksyon ning Pilipinas ketang 1935, simbut nong Manuel Quezon di Emilio Aguinaldo at Y Obispo Gregorio Aglipay. Ing dapat sana anam nang banuang pamanungkulan miragdagan yang adua pang banua pauli ning mika-atin pangabayu king Pun Batas. Sinambut yang pasibayu inyang Nobyembre 1941.Uyab na ning Pangmakataung Kautusan, at king pamakisaupan na ning Komisyoner na ning Amerikang Y Paul V. McNutt, guewa nang paralan Quezon para midinan lang saup ding Hudyung mikabus king bengisan ning Europa at linsad ne ing poryectung makapagsantung la king kapuluan ning Mindanao.

Kaibat na ning panlusub da ding Japon king Pilipinas inyang Kaduang Guera Mundyal, tinimplad ya Y Quezon king Amerika nung nuya migserbisyu antimong metung karing galame na ning Pacific War Council, pinirman ne ing deklarasyon na ning United Nation laban king Axis Power, at sinulat ne ing autobiograpia nang The Good Fight.

Mikasakit yang Tuberkulosis Y Quezon, at mete ya king Saranac Lake New York inyang Agostu 1, 1944. Pansamantala yang mikutkut ing banke na king Arlington, dapot dinatang mu rin ing aldo a ing USS Priceton CV-37, dela ne ing banke na king Menila, at katataulian , king Monumentu na king Quezon Memorial Circle, karin ya ing tauli nang santungan.

Ing meguing asawa nang Quezon ya ing pisan nang Y Aurora Aragon. Mika apat lang anak makibat king lagyung Maria Aurora, Maria Zeneida, Luisa Corazon, at Manuel Jr.

Nganang Quezon:

Mas buri kune para king bansa ing balamu impyernung pamamalakad da ding Pilipinu kesa king balamu banuang pamamalakad da ding Amerikanu. Pablasang nu man anti ing kabalatungan naning gobyernung Pilipinu, magsilbi ta ne man ibayu.


Ing katapatan ku king Partidu mika sepu nung nukarin ya migmula ing katapatan ku king balen ku.


Ing Justisyang Panglipunan mas lalu yang kapakipakinabang nung mipatupad ya king adle ning kapaglunusan kesa king adle ning kautusan

Lauen La Rin Deti

References

Suglung Palwal

  • Bonnie Harris, Cantor Joseph Cysner: From Zbaszyn to Manila -- The Creation of an American Holocaust Haven, [1] describes Quezón's role in helping Jewish refugees settle in the Philippines.
Minuna kaya
{{{before}}}
{{{title}}}
1935–1944
Menalili kaya
{{{after}}}


Ding Presidenti ning Kapuluan Filipinas
Seal of the President of the Philippines
  Aguinaldo | Quezon | Osmeña | Laurel | Roxas | Quirino | Magsaysay  
  Garcia | Macapagal | Marcos | C. Aquino | Ramos | Estrada | Arroyo | B. Aquino