Elpidio Quirino

Ibat king Wikipedia
Jump to navigation Jump to search
Elpidio Quirino
Pamituki-tuki (Pang-pilan) Panganam a Pamuntuk ning Filipinas
(2ng Pamuntuk ning 3ng Republika)
Panaun ning Pamanibala Abril 18, 1948 (meyalal Disiembri 30, 1949) –
Disiembri 30, 1953
Kadwang Pamuntuk Fernando Lopez (1949-1953)
Elilan Manuel Roxas
Katuki Ramon Magsaysay
Mibait Nobiembri 16, 1890
Vigan, Ilocos Sur, Filipinas
Mete Pebreru 29, 1956
Quezon City, Metro Manila, Filipinas


Para balen , lawen ye ing President Quirino, Sultan Kudarat

Y Elpidio Quirino mibait ya ketang Nobiembre 16, 1890, at meangu ing bie na ketang Pebreru 29, 1956. Ya ing pang-anam nang Pamuntuk ning Republika ning Pilipinas. Sinampa ya king tungkulan ketang Abril 17, 1948 at kinuldas ya ketang Disiembri 30,1953.

Bininyagan yang Katoliko Y Elpidio Quirinu, at yang mumunang Pamuntuk a tubu king Kailukuan.

Bie kayanakan at Kapakibatan

Bait ya king Vigan, Ilocos Sur, at ding pengari na ilapin di Mariano Quirino at ing mestisang kastilang Y Gregoria Rivera, Migdatun ya Aringay, La Union inyang kayintangan na. Linub ya king Matas a Pamagaral king Vigan, at kaibat mine ya Menila nungnu ya megobra antimong junior computer ning Bureau of Lands ampon property clerk na ning Manila Police Department. Meyari ya king Matas nang Pipagaralan ning Menila ketang 1911, at apasar ne mu naman ing pamagsulit keng Serbisyu Sivil, mumunang gradu.

Megaral ya king Unibersidad ning Filipinas inyang 1915 nungnu ne ikua ing titulu na keng lei, at metunggue yang antimong abugadu angga na king mipuk yang Diputadu king Kongresu ibat king 1919 anggang 1925, angga na king lukluk yang Senador ibat king 1925 anggang 1931. Kaibat nita, migserbisyu yang antimong kalijim na ning Pinansya at Kalijim Interior na ning Gobyernung Commonwealth.

Inyang 1934, kabilang ya karing mine king Washington D.C. lalam na ning Misyun para king Kasarinlan ning Pilipinas a pemuntukunan nang Manuel L. Quezon ban panikuanan deng mipasa king Kongresu ning Amerika ing Tyding-Mcduffie Act. Iting mesabing batas, tikda ne ing kasarinlan ning Pilipinas king banuang 1945, dapot linual ya ing opisyal a deklarasyon ketang Julio 4, 1946.

Inyang kaduang guerang pang-meto yatu at sakupan ne ning Japon ing Pilipinas, metung ya karing pamuntuk ding guerilya, mebijag at mesukul ya at king kimtan nang dusa ala yang kapante ing kamatayan na ning asawa na at ding atlu rang anak karing gamat da ding Japon a dinatang a manlupig.

Kaibat ning guera, sindu na ing kasuyuan na king balen at meguing President Pro tempore ne ning Senadu. Lalam na ning Pamuntuk Roxas, ya ing meguing panlimang mi-alal a bise kingRepublika na ning Pilipinas. Miserbisyu ya naman antimong Kalijim na ning Bansa.

Bilang Pamuntuk

Inyang Abril 17, 1948, aduang aldo kaibat nang meangu bie Roxas, ya ing menaliling Pamuntuk ning bansa. Kalabas ning pabanua, mi-alal yang Pamuntuk lalam na ning Partidung Liberal at menungkulan yang apat a banua.

Ing linto subyang na ning kayang pamanungkulan yapin ing kimutan da ding komonistang Hukbalahap. Ding Huk ila pin ding sadyang guerilya ning Luzon laban karing Japon . Ding Komonista migkamit lang sikanan, lalu na inyang mabigu ing nasa nang makipagkasundu king pamuntuk da ding Huk a Y Kumander Luis Taruc inyang 1948. Binsag nang Luis Taruc ing metung yang Komunista at inaingan nang mibagsak ya ing gobyernu.

Ing anam nang banuang pamanungkulan mipmu yang kapaglarinan king sinira ning kaguluan, malaganap a panyulung ning ekonomya, at miragdagan ing kasaupan at manibatan Amerika. Makanian man, ene a dinan lunas ing pangkaraniwan a pamangailangan da ding tau king baryu, at ing kapamajalan na mibaltikan yang pamanyamantala at kapanakawanan king pibandian ning bansa.

Agyang atin neng panamdaman, simpa ne pa mu rin ing kandidatura na para king kaduang ukdu,dapot likuan neng malaut Ramon Magsaysay king alalan 1953.

Uling eya menagumpe king kandidatura nang pang-kaduang ukdu, migretiru ya king pribadu nang tuknangan king Quezon City. Ing sakit king pusu yang kinangua king bie na ketang Pebrero 29, 1956. Balang Pebrero 28, mipagmasusian ya ing aldo nang kematayan.


Suglung Palwal

Minuna kaya
{{{before}}}
{{{title}}}
1946–1948
Menalili kaya
{{{after}}}
Minuna kaya
{{{before}}}
{{{title}}}
1948–1953
Menalili kaya
{{{after}}}


Ding Presidenti ning Kapuluan Filipinas
Seal of the President of the Philippines
  Aguinaldo | Quezon | Osmeña | Laurel | Roxas | Quirino | Magsaysay  
  Garcia | Macapagal | Marcos | C. Aquino | Ramos | Estrada | Arroyo | B. Aquino