Balbiki
Ing balbiki o balibul (brace o brace and bit king Ingles) metung yang kasangkapang gamat a magagamit king pamamusbus, keraklan king dutung. Titímid ya ing babo na niti, at dudúrut ya ing kasangkapan kapamilatan ning metung a talanan a tabas-U (U-shaped grip).
Metung yang uri ning sigunial (crankshaft) itang dakeng tabas-U.
Ing arap ning balbiki bibilugan ne ning metung a chuck w:spindle a maki bracket a tabas-V o panyipit king kilub. Nung idurut ya ing spindle ning chuck king direksiun a pa-wanan a padurut (clockwise), tátalik ya itang taram barena ning chuck, at nung baligtaran ne man ing direksiun, liliwalas ya iti ba yang malyaring ilako.
Karing keraklan kareng balbiki, keta mismung gulut ning chuck ating w:gear release a maki atlung pusisiun. Paintulutan na niti ing ratcheting kareng mangaskup a lugal. Nung idurut ya ing gear release manibat king pusisiun a makalibutad, malyaring mika ratcheting ning balbiki ketang direksiun a kailangan. Nung itodu yang pa-wanan (clockwise) ing pamandurut ning gear release, malyari yang ilako ing dutung king direksiun a pa-wanan (padurut), kabang pa-kaili ne mang padurut (counter-clockwise) ing kimut ning ratchet. Kaibat, nung itodu yang pa-kaili ing pamandurut ning gear, malyari yang idurut ing balbiki king direksiung pa-kaili, keraklan ba yang idayu king busbus itang drill bit. Uling makalibutad ya pusisiun ing gear release, e marapat ing ratcheting effect.
Atin yang dutung a spindle ing maniketa (o crank) a tabas-U; malyari yang taglus-taglus a idurut lalam da reng gamat kayabe ya ing top spindle, a e gagasgas kareng gamat iti (anya e la mamalintusan deng gamat).