Pat

Ibat king Wikipedia
Jump to navigation Jump to search
Pat a gawa king bakal a gagamitan king dutung.

Ing pat metung yang kasangkapan nung nu itang taram maki partikular yang tabas, a magagamit king pamandukit ampong pamamutut king metung a masias a material, alimbawa ing dutung, batu o metal. Gawa la king metal o dutung a maki mataram a gilid deng talanan da ampong taram deng mapilan a klasing pat.

Gagamitan ya ing pat kapamilatan ning pamamukpuk na niti king metung a bage ba yang maputut iti. Maliari yang manibat iting puersa king gamat, o kapamilatan ning masu o martiliu. Kareng pabrika, metung yang hydraulic ram o mababaldug a pabayat ('trip hammer') ing panibatan ning puersa ba yang ipukpuk ketang bageng pupututan ning pat.

King pamandukit kuayan ampong dutung, gagamitan de murin ing likup, lukub o pat lukub, ba lang labran o tabasan deng mangalating pirasu ibat ketang dutung a dudukitan. Keraklan, gagamitan la reti king pamangawang kilual (surface) a concave. Keraklan, katabas yang 'U' iti nung lon ya ing kayeng dakeng binangal (cross section).

Lon la murin deti[mag-edit | alilan ya ing pikuwanan]

Commons-logo.svg
Ing Wikimedia Commons atin yang mediang maki kaugnayan kang/king:
pat
Wiktionary-logo-en.png
Paintunan me ing Pat king
Wiktionary, ing timawang diccionariu.