Suligi

Ibat king Wikipedia
Metung a suligi lele ning piugsyanan bulung

Pitching hay

Ing suligi (pitchfork king Ingles, horca king Castila) metung yang kasangkapan a maki makabang talanan ampong mangakaba, payat ampong mikakawaning tusuk a gagamitan king pamamulut ampong pamanatsa kareng bageng buhaghag o kawa-kawani, alimbawa are, bulung, ubas ampong aliwa pang produktu kareng asikan. Keraklan, manibat adua la anggang anam deng tusuk da reng suligi. Miyayaliwa la kaba deti dependi king gamit ning kasangkapan. Kawangis ne ing spading fork, at maralas, apapagkamalian do reting adua. Malyari yang gawâ king dutung, bakal, kuayan, aduang uri ning metal a pisamut, atlwp. Keraklan, kareng asikan ya magagamit iti, at tuturing deng kasangkapan a pang-agrikultura.

Maralas, gagamitan de muring sandata ing suligi deng tau nung e ra agiung sali kareng mas mangamal a sandata antimo reng espada, o kaibat, deng baril. Uli na niti, kasebian deng gagamitan deng kumpul-kumpul a ortelanung mikakalabkab king kamua.

King Europa, minuna reng ginamit ing suligi kanitang mumuna nang daka ning Edad Media (Middle Ages). Alus kayagnan ne ing asue. Aniang mumuna, halus king dutung ya ngan gawa ing suligi. Ngeni, gawa no keraklan king metal deng tusuk.

Kabaldugan king relihiun

Keraklan, gagamitan de ing suligi king satirika ning paniwalang Cristianu tungkul kareng demoniu king media, lalu na kareng minunang komiks, nung nu maki anghel ampong demoniung makalukluk king pago ning bida. Atin yang mas seriosung pamilupa king trident ning dios a Griegu, i Poseidon, ampo ing dios a Hindu a i Shiva.

Lon la murin deti