Isponga

Ibat king Wikipedia
Metung a ispongang polyurethane
Malapit pangakua
Itsurang binangal

Ing isponga o esponga (sponge king Ingles) metung yang kasangkapan a gawa king material a mitmung busbus (porous) para king pamaglinis kareng patag a e ra luluban likidu (impervious surfaces). Masikan lang manyipsip danum ampong likidung makabasi king danum deng isponga.

Maralas, gawa la kareng lambal dutung (wood fibers) a gawa king cellulose, o kareng plastic polymer king pormang foam. Angga ngeni, mamisali la muring natural a isponga, pero ngening panaun tamu, magagamit la keraklan deti anting panimu king lupa o katawan (facial/body sponges), o anting kasangkapan king sponge painting.

Atlu la pa reng aliwang uri da reng da reng artipisial a isponga: low-density polyether (a kilala anti reng rainbow packs a non-absorbent sponges), PVA (metung a masiksik a material a matalik manyipsip, at alang makaltong busbus) ampong polyester.

Mapipitna la kareng miyayaliwang uri deng ispongang polyester; ating reticulated (tambing nang penguskus ba yang saguling gamitan). Atin namang double-blown polyester, a dakal a adadalang danum, a halus kasing sikan ning PVA, dapot atin yang makaltong busbus at lalu yang magamitan.

Lon ya murin iti[mag-edit | alilan ya ing pikuwanan]

Dalerayan[mag-edit | alilan ya ing pikuwanan]


Ing Wikimedia Commons atin yang mediang maki kaugnayan kang/king: