Plais

Ibat king Wikipedia
Jump to navigation Jump to search

Deng plais (‘’pliers’’ king Ingles) kasangkapan lang gamat, at ing pekamaulaga rang sangkan, ya pin ing pamanalan kareng bage kapamilatan ning leverage. Megawa la reng plais para kareng miyayaliwang gamit, at miyayaliwa la tabas panyipit ba ra lang talnan, idurut, igutan o sipitan deng dakal a uri da reng bage. Magagamit ya ing kasangkapan a iti kareng dakal a obra o propesion nung nu ya magagamit ing gamat. Dakal muring plais a maliaring gamitan king pamamutut.

Amlat[mag-edit | alilan ya ing pikuwanan]

Meimbentu la king Europa kanitang manga aduang libung banua bayu i Cristo 2000 BC bang magsilbing panalan kareng mangapaling bage (keraklan ing bakal, potang papandayan de iti king palian (anvil). Kayabe la kareng mangatuang diling larawan da reng plais detang papakit king dios a Griegung i Hephaestus king kayang pandayan. Ngeni, tongs ing keraklan dang aus karing panalan kareng bageng mapali. Merakal la bilang deng diseniu da reng plais aniang meimbentu la reng miyayaliwang bageng tatalnan da kareti: sapatus kabayu, w:fastener, kawad, tubong danum, ampong piesang gagamitan king kurienti ampong electronics.

Diseniu[mag-edit | alilan ya ing pikuwanan]

Bagya pamu ing miyalilan king karaniwang diseniu da reng plais manibat aniang linto la reti. Atin yang aduang panalan (‘’handle’’), pusad (pivot), ampong buntuk (head) a maki panyipit/panga (gripping jaws), at gilid a pamutut (cutting edges) - deng atlung dake. E anti kareng gunting, pane lang misasagana deng panga da reng plais.

Ing plais, kasangkapan yang manalis king masikanan a pamanalan (power grip) - ing pamanyakmal ning palad - king pamanalan a mapinu (precision grip), a maglipat king sikanan ning pamanyakmal ning gamat king paralan a eksaktu, paras ketang bageng tatalnan. Makaba la reng talanan kumpara ketang kuyad ning “arung” da reng plais. Uli na niti, magsilbi lang baluat a mumunang uri (first class levers) a maki w:mechanical advantage, ania sisikan ing puersang daralan ning pamanyakmal ning gamat, at yalis yang todu iti ketang bageng tatalnan o panigobran.

Deng materialis a keraklan dang gagamitan king pamangawang plais ila pin deng samut a bakal (stell alloys), anti ing Vanadium at/o Chromium, ba yang sikan ing samut (alloy strength), at e gad mangalawang ing kasangkapan. Keraklan, maki talanan lang insulated o maki takap deng plais, ba lang mas malaguang talnan detik, at bang lisian ing pamandalan ning kurienti.

Lon la murin deti[mag-edit | alilan ya ing pikuwanan]

Wiktionary-logo-en.png
Paintunan me ing Plais king
Wiktionary, ing timawang diccionariu.