Kasangkapan

Ibat king Wikipedia
Lundag ka king: pamaglibut, paintunan
Deng cuchiliu metung la kareng minunang kasangkapan gewa da reng tau.

Ing metung a maleparan a kabaldugan ning kasangkapan (tool king Ingles, instrumento o herramienta king Castila), metung a bageng gagamitan bang mamilatan kareng aduang sakup o panig (domains) a sasaup bang mika mas matalab a kimut o dapát ning metung a panig ketang metung. Ing pekasimpling kasangkapan, ila pin deng simpling maquina (simple machines). Alimbawa, ing baluat (crowbar) gagana ya antimong lever. Cuntoru midadayu ya king pivot point, lalung darakal ing sikanan o fuerzang dadalan king lever. Keraklan, martiliu ya ing atiu king pilatan ning gamat ning magobra ampo ing pakung buri nang turan.

Deng kasangkapan ing pekamaulagang bageng gagamitan da reng tau bang mukiat king babo ning food chain; kapamilatan ning pamanimbentu kareng kasangkapan, agiu rong agagawa deng bageng e ra agiung daptan deng katawan da, alimbawa ing pamangamit king tandus o pana king pamakamate kareng darakpan dang animal, uling e la makanian katilus deng karelang ipan ba lang taglus kareng balat da reng animal.

Ing telepono metung yang kasangkapan king comunicacion a mamilatan kareng aduang taung misasabi king metung a lebel. At king pilatan ning balang talagamit ampo ing suge ning comunicacion o communication network king aliwang lebel. King sakup ning tecnologiang media o comunicacion minuna rang akilala deng keraklan ing metung a e karaniwan aspetu ning kekatamung pamiugnayan o relacion kareng kekatamung kasangkapan. Sikat ya i Marshall McLuhan ketang sinabi nang "We shape our tools. And then our tools shape us." Ing amanuan na, ya pin itang maliliaring deng pamakiugnayan tamu kareng aliwang tau, makibage la king kekatamung pamangamit kareng bayung kasangkapan, at ing pamaniamasan tamu kareng kasangkapan a gagamitan ta na.

Apatunayan ning pamagumasid a dakal lang uring animal deng gagamit kasangkapan, kayabe la reng matsin, miayaliwang uring ayup, sea otter, at aliwa pa. Aniang mumuna, isipan da reng filosofo (philosophers) a den mung tau ing maki agiung gawang kasangkapan, anggang apagumasdan do reng zoologist deng ayap[1] ampo reng matsin[2][3][4] a gagawang kasangkapan. Ngeni, ing alang kalupang kaugnayan da reng tau kareng kasangkapan ya pin itang deng tau mu kabud ing uri o species a gagamit kareng kasangkapan bang gawang aliwang kasangkapan.[mangailangangan yang sitas/suporta]

Keraklan kareng anthropologist maniwala lang ing pamangamit kareng kasangkapan metung yang maulagang takbang king pamagbayu o evolucion ning meto ketawan.[5] Mika opposable thumb ya ing tau — a magamitan king pamanalan kareng kasangkapan — at misnang miragdagan ing kayang kabiasnan, a sinaup king pamangamit kareng kasangkapan.[6]


Lon la murin

Commons-logo.svg
Ing Wikimedia Commons atin yang mediang maki kaugnayan kang/king:

Notes