Sarul gamat

Ibat king Wikipedia


Bakal a taram ning metung a sarul gamat ibat king Roma a aduang libung banua katua.
Megambul kapamilata'ning rotary tiller at/o sarul gamat ing gabun king pilatan da reng hilling (Japanese Une 畝) ing aus da ketang hilling o ridge

;

Ing sarul gamat o surgamat (hoe king Ingles) metung yang kasangkapang gamat a gagamitan king pamananaman king mula (gardening). Iti bibilugan ne ning matalas a taram, a keraklan gawa king metal anti king bakal o aluminium, a makatuglung king makabang talanan, a keraklan gawa king dutung. Malyari yang mika miyayaliwang uri ding taram ing sarul gamat, a maki dakal a gamit. Mapaliaring ing maralas dili kareti ya pin ing pamaglako kareng dikut ampong tanaman a sukat ilako. Metung ya kareng kailangan diling kasangkapan a pang-gamat king pamananaman, kayabe ning pala ampo ning suligi.

Gagamitan la reng sarul gamat para bang:

  • gambulan ya ing kilual ning gabun a makapadurut kareng tanaman, ba lang ilako deng dikut
  • ibuntun ing gabun padurut king pun da reng tanaman
  • keraklan ing mangulkul ampong manalis king gabun (alimbawa neng mamupul patatas), at pamututan la reng dikut, yamut ampong pira-pirasu da reng tanaman.

Dakal lang uri deng taram, at miyayaliwa la itsura ampong gamit deti. Atin kareting magagamit kareng dakal a bage. Atin namang magagamit king partikular a bage (alimbawa, ing collinear hoe atin yang makitid ampong matalas a taram a gagamitan king pamangili kareng dikut kapamilatan ning pamanabas malapit king gabun anting mamalis; e bage iti kareng obrang anti king pamanalis king gabun ampong pamanadtad).

Ing Dutch hoe (scuffle, action, oscillating, swivel, or hula hoe) metung yang sarul gamat a tutulak o abitan king gabun ba lang pututan deng dikut ketang lalam na mung bagya ning gabun. Ing pekataram na balamu singsing yang pitpit a strap metal. E ne kasing santing ning chopping hoe king pamanigut o king pamanulak gabun.

Lon la muri deti[mag-edit | alilan ya ing pikuwanan]

Suglung palual[mag-edit | alilan ya ing pikuwanan]